السلام عليكم ورحمة الله وبركاته
قصيدة اعجبتني .. فأحببت ان أنقلها لكم واتمنى أن تنال اعجابكم
القصيدة فيها من المثل والعبر
الطّيب لو ينباع نشريه بفلوس = كل ما عتق أو قل نشري بداله
الطيب عند الناس بيّن ومحسوس = ما هوب شربة بن ولاّ بياله
الطيب هو جملة مشاعر بالنفوس = الله جمعها عند راعي الجماله
كم تاجرٍ يملك ولا فيه ناموس = وهو ردي ما تهنّى بماله
لاغاب حطوا به مناشير وضروس = وليا حضر محد يداني قباله
وكم واحد بيته من الطين والخوس = كريم طيّب قام باللي عنا له
يفز له من كان بالباب وجلوس = من طيبته شرّف عمامه وخاله
أدّب ولدك وعلّمه بعض لدروس = وهو صغير لا تزوّد دلاله
ترى الدّروس تفيد من قبل ليبوس = لا شد عوده ما تجوّد حباله
النّاس مخلوقه من أشكال وجنوس = من طاب منها طيّب الله أفعاله
منقول
تقبلو تحاتي
لاتحرمونا من دعائكم
