لقاء مع العضو دموع الورد؟؟؟

سومر كتب:

ابو الروض الغاالي ماشاء الله عليك دائمآ مستعد والجواب على راس لسانك

الله حييييييييييييو وهلئ اجاك الامبراطور اسحب قواتك او جهز حالك للصد

بسم الله نبدأ...

[ندعوك للتسجيل في المنتدى أو التعريف بنفسك لمعاينة هذه الصورة]

حبيبنا الغالي سومر اهلا وسهلا

منور راح اسحب قواتي اي مارح يجيك الدور ههههه

راح اهلكك بلاسئلا بمزح ها

حبيبنا مرورك منور الصفحه بارك الله فيك لك تحياتي

ABU YOUSUF كتب:

نرجو من الاخوه والاخوات

عندما يسألوا ان يقرأوا الاسئله التي تم الاجابه عليها

لعدم تكرار السؤال

نرجو الانتباه الى ذلك والمتابعه

لكم احترامي

ودمتم

[ندعوك للتسجيل في المنتدى أو التعريف بنفسك لمعاينة هذه الصورة]

منرو خالي بارك الله فيك

والف شكر لحرصك

على المنتدى والاعضاء

حيو أبو الروض

أحببتك في الله أخ رياض

مشكور على رأيك فيني

رأيك بعتز في وبحطو وسام على صدري

عندي كم سؤال من بعد اذنك


1: سألتك الأخت زهرة الله يخليها ما هو أسوء يوم بحياتك

انت جاوبت بأنك اتهمت بشيء لم تفعله ممكن توضح لنا ما هو هذا الشيء؟؟؟؟


2: انت قلت انو أمنيتك انك تتزوج بعد قصة حب

ألم يراودك تفكير انو ممكن قصة هالحب تأثر على وضعك بعد الزواج

يعني سمعنا كتير أزواج انفصلوا من ورا قصص الحب انت شو رأيك؟؟


3: هل أحببت بحياتك والى أي درجة وصلت قصة حبك؟؟؟


4: لو أحببت فتاة وتفاجأت أن صديقك المقرب اليك يحبها هل تتركها؟؟


5: لو وقعت في الطريق وكان هناك أناس كثر ما هو تصرفك؟؟؟


6: ما رأيك ببيت الشعر :

العلم بالشيء خير من الجهل به تعلموا السحر ولا تعملوا به


7:لو رأيت الرسول الكريم صل الله عليه وسلم في المنام واستطعت أن تكلمه

ماذا تقول له؟؟؟

ننتظر اجابتك بكل صراحة

لا تآخذنا اذا ثقلناها عليك

مشكوووووووور أبو الروض

تحياتي لك

شو نصايحك عشان الواحد منا يقدر يرتقي بنفسة ويكون مثقف بجميع النواحي ؟؟

والله ياخل نصيحتي هيااحترام رائي الناس ويعاشر اكبر عدد من

الناس يعني يتخالط مع اكبر عدد من الناس واذا بيقدر

جنسيات مختلفه يحضر دروس علم دينيه واخبار يعني هيك شي

2 - شو رايك بالناس اللي بتعاند وكل همهم ان رايهم صح

ولايقتنع برايك ولو كان صح ؟؟

مصيرو الفشل بكل شي ومارح يخطي ولا خطوه لقدام بحياتو

اصلا حرام الحكي معو هيك شخص كل بني ادم خطاء

3 - مارآيك في شباب اليوم ؟ سلبياته وإيجابياته ؟

بصراحه السلبيات اكثر بكثير من الاجابيات

شباب طايشه مو عارفه شو بدها اكيد مو الكل

شباب منهم عاق منهم هامل منهم بعيد عن حدود الله منهم

مابعرف الصح من الغلط

اجابيات منهم مؤدب يحترم الناس

يحترم ابوه وأمو يعرف شو الو وشو عليه

يعرف الحلال من الحرام يتقي الله في كل خطوه

4 - هل تؤمن بأن الناس مقامات ..؟؟

مقامات بالاخلاق العاليه

والثقافه والعلم

مو مقامات في المناصب كلنا بدنا ننزل نفس الحفره

ماحدا احسن من حدا سبحان الله

5 - هل فعلا لكل شخص اسلوب يجب ان ننتهجه في التعامل معه ..؟؟

طبعا كل انسان بدك تيجي على هوى

عقلو وتحاول تيجي شوي شوي كي يفهمك

6 - مالموضوع الذي تعتقد انه لايجوز المزاح فيه... مطلقا ؟

اكيد موضوع اسلامي او شي بخص الدين

7 - من الاقوى في نظرك الحلم أم الاراده ولماذا ؟؟

الا راده اكيد الحلم القدر هوالي بحققو مو انت

اما الاراده هي منك انتا انتا بتصنعها

8 - من هو العضو الذى تعتبره صاحب الدم الخفيف ؟

مالاحظت والله مابعرف يمكن يكون ابو ريان

9 - جائزة أحسن أخلاق لمن تعطيها من الاعضاء ؟

بصراحه كل الاعضاء اخلاقه عليه ماشاء الله
مابقدر حدد عضو معين كل الاعضاء بارك الله فيهم

10 - جائزة أحسن أسلوب فكاهى من الاعضاء ؟

أبو ريان

11 - جائزة أفضل عضو على الإطلاق ؟

بنضري كل الاعضاء نفس المستوى مابقدر حدد


12 - العضو الذى تتمنى أن لا يدخل المنتدى مرة أخرى ؟

لايوجد كل الناس خير وبركه

13 - جائزة الجندى المجهول بالمنتدى لمن ؟

انا عضو جديد وبصراحه مابعرف ومو عارف حدد عضو معين



الف الف ومليون شكر لمروك الحار

مروك عطر ونور الصفحه بارك الله فيك تفبل تحياتي

1: سألتك الأخت زهرة الله يخليها ما هو أسوء يوم بحياتك

انت جاوبت بأنك اتهمت بشيء لم تفعله ممكن توضح لنا ما هو هذا الشيء؟؟؟؟

صحيح بس انا ماحبيت اطيل الشرح تكرم اخي اوس انتا بتمون

كنت انا وصديقي وكان عمري 15سنه صديقي ضرب شخص وكان راح

يموت ضربو بغير قصد منو لما سألو الشخص مين ضربك قال انا

يعني صار يحكي شروي غروي وقعت الشغله كلها براسي وانا

ماكنت احكي انو صديقي ضربو قلت انا مابعرف لبين مابينت

الحقيقه وحكه الشخص وقال مو انا الي تسببت بضربو اكلت

الي في النصيب من اهلي واهلو هاد اسوء يوم وصديقي راح

وماحدا عرف وينو ومارح اطيل الشرح


2: انت قلت انو أمنيتك انك تتزوج بعد قصة حب؟

ألم يراودك تفكير انو ممكن قصة هالحب تأثر على وضعك بعد الزواج؟

بصراحه انا فكرت وحكيك صحيح

بس انا لما بدي حب وحده يعني راح تكون تحبني وراح اعرف

كلشي عنها وتعرف كلشي عني وهيك مابنتعب بعد الزواج

اقل شي بكون بينا ذكريات وحب وايام حلوه اكيد ضمن الاصول

والاحترام


يعني سمعنا كتير أزواج انفصلوا من ورا قصص الحب انت شو رأيك؟؟

وانا بقيدك وسؤالك صحيح

اما انا لما اكون فهمان الحياه وكيف اتعامل مع زوجتي

واهلي وكل الناس واعرف اواجه الحياه والمشاكل بشل صحيح

وبدون ما ازعل اي حد مارح ننفصل وكلشي بنهايه نصيب


3: هل أحببت بحياتك والى أي درجة وصلت قصة حبك؟؟؟

بصراحه لاء ماحبيت لاانو ماكن معي وقت احب كان الشغل ماخذ

كل وقتي وماصار مجال فكر بالحب وشوي ضروفي كانت صعبه

ونفسيتي ماكانت مرتاحه لهيك بس


4: لو أحببت فتاة وتفاجأت أن صديقك المقرب اليك يحبها هل تتركها؟؟

اذا كانت بتحبني اكيد لاء مارح اتركها

اما ذا مابتحبني بتركها بدون تردد


5: لو وقعت في الطريق وكان هناك أناس كثر ما هو تصرفك؟؟؟

مو لو اوقعت وخلصت ههههههه

عادي قمت ولا كاأنو في شي يعني شو عملت مصيبه عادي اي

واحد ممكن يقع وخاصه الشب عادي جدا اما البنت ممكن تخجل


6: ما رأيك ببيت الشعر :


العلم بالشيء خير من الجهل به تعلموا السحر ولا تعملوا به

بيت شعر محلو اخي أوس صحيح لازم نتعلم السحر ولا نعمل بيه

مشان نعرف الي بسحر والي بسحرنا وشو لازم نعمل

والعلم اكيد احسن من الجهل

7:لو رأيت الرسول الكريم صل الله عليه وسلم في المنام واستطعت أن تكلمه

ماذا تقول له؟؟؟

أول شي اقول بدي الشفاعه

وثاني شي شو مكانتي عند رب العالمين

وثالث شي دعوه منو

يدعيلي

اللهم صل وسلم وبارك على سيد المرسلين سيدنا محمد


مشكور على كلامك الذي يعجز اللسان عن الرد على هاذه

الكلمات وبلعكس انتا ماثقلت بلعكس اسئلتك رائعه وحلوه

انتا بتكون ثقلت علي لو ما سالتني

وبتكون ثقلت علي اذا حرمتني

شوفتك أخي اوس بارك الله فيك لك تحياتي وكل الاحترام

ابو ضرار الورد كتب:

الله يحيو ابو الروض

سؤالي ما بغيروش

كل واحد شارك ولو بمساهمة بالمنتدى اكتبلنا عنو بأصابعلك الحلوة يا غالي ؟


يا ويلك اذا تركتوا

ههههههههههههههههههه

بدنا نلبكك

بس لا تسألني ياه اذا اجا دوري

ان شالة ما بيجي

لاتخاف اخي ابو ضرار راح يجي دورك

وراح اسئلك نفس السؤال ههههه


مرورك بصراحه يشرفني ويسعدني

وبصراحه اكثر سؤالك هاد بي ميت سؤال هههه

تحياتي سؤال غير شكل

بس طلب صغير اخي معليش

بس ياريت اتحدد كل عضو مشان اكتب عنو كلشي بصراحه

انا عضو جديد ويمكن انسى وما اجاوب غير على اكم واحد

حدد الاعضاء وانا جاهز من عيوني اخي ابو ضرار

وجودك منور اخي اها من زمان طلطل علينا يازلما زورنا

- هل تحب أن تستقر في الامارات أم في سوريا

بصراحه مافي احلا من بلدي

بس يا اخي عجبتني الامارات كثيررر

غير شكل وبحب استقر هون في الامارات ياريت


2- ما هو أكثر الحيوانات الأليفة المحببة لديك

مابحب الحيوانات مثل الكلاب او القطط او هيك شي

بنجن منهم كلهم مرض ومدري شو

اما بحب العصافير الطيور يا اخي غير شكل

3- لو أحبت والدتك أن تبعث لك طبخة ماذا تحب أن تكون

مليحي ياخي أمي شطوره ههههههه بالمليحي اكثر شي

4- هل ترى كوابيس تخيفك في منامك

كثير كوابيس بس لما احلم احلام حلوه بكيف

بتسلى وانا نايم مابمل ههههههه غير شكل الاحلام بحبها

5- هل تمارس الرياضة وأي أكثر الرياضات تحبها

مابحب الرياضه او ماعندي وقت لرياضه

بس اسمن اكيد راح اعمل رياضه هههههه


والله ياختي اسئلتك مثل شربت المي روعه سهلين خفاف لطاف

بس مو كثيرات تصطفلي انا قلتلك مارح ارحمك اسئلي

وكثري منهم على شان لااجا دورك اتكوني ماخذه بثارك هههه

بارك الله فيكي اختي مرورك روعه نور الصفحه

الله يجزيكي الخير يارب لكي اختي كل الاحترام وكامل التقدير

ياشباب وينكو

شو ناشفه اليوم شو مافي حدا


حدا يسأل شي سؤال يالله

انا ناطر طقيت وانا استنى ههههههه

شو يعني بعد شوي ببلش اسأل حالي ها

تكرم ابو الروض الغالي

لو كنت بدي البكك

هاذول الاعضاء الغالين علي كلهم ":

1 - الخال ابو يوسف

2 - العم امجد

3 - العم اوس

4 - العم ابو النورين

4 - الخال سومر

5 - الخال المدير نادر

6 - ابو الريان المرحوم الله يرحمو ويرجعو

7 - باسل الغالي

8 - سرمد



البنات :
1 - زمردة المتألقة

2 - زهرة النرجس

3 - عاشقة الحرية

4 - الملكة بلقيس

5 - خزامة

6 - صوفي

7 - دمعة امل

8 -وهمس الروح وانا ابو ضرار الورد

الله يقويك اخي رياض

1 - الخال ابو يوسف

ماذا اقول عن سيد الرجال ابو يوسف

ابو يوسف بصراحه اب لهاذه المنتدى

وانا بعتز وبفتخر فيه ماشاء الله عليه

مواضيعو كثير بحبها فيها تنشيط لذاكره لو صعبه شوي

بس حلوه بجنن ومواضيع اخبار بعرفنا كلنا على النترنت

بجيبها لهون كثر الله خيرو

ردودو على كل المواضيع ومابحب يزعل ولا اي عضو

الله يبارك بيه ويطول بعمرو

2 - العم امجد

العم أمجد بصراحه غير شكل والله بحبو من كل قلبي

مواضيعو حلوه كثير

برد على كل المواضيع مابحب يزعل اي شخص

متفهم متواضع مرح الله يخليه يارب

ولا يحرمنا منو يارب

3 - العم اوس

العم أوس حبيبنا ماشاء الله عليه

متفهم متواضع بيعرف شو بدو

برد على كل المواضيع عن جنب وطرف ولا بخلي

حدا يزعل منو

ردودو حلوه راقيه

الله يخليه ولا يحرمنا منو

4 - العم ابو النورين

العم ابو النورين حبيبنا متواضع هادي

مواضيعو حلوه كثري مفيده

ردودو بصراحه مابعرف

مالو ردود كثيره

الله يخليه وينور دربو الله يخليه ولا يحرمنا منو



4 - الخال سومر

الخال سومر حبيبنا

صحيح ماشفت الو ولا موضوع

بس ياخي ردودو احسن من ميت موضوع

وبرد على اغلب المواضيع ولما يرد

مابخاف ومابجامل وبرد سلبي او اجابي

هاد اكثر شي بعجبني فيه برد بدون مجامله

برد حسب الموضوع وعن تمعن

ومابزعل حد بارك الله فيك اخي

الله لايحرمنا منك

5 - الخال المدير نادر

الخال نادر مديرنا وحبيبنا

بصراحه شمعة هاذه المنتدى

برد على كل المواضيع ومابزعل ولا عضو متفهم متواضع

صحيح يمكن هي الفتره مشغول بدراسه الله يعينو

ويمكن خفيف وجودو لهاذ السبب الله ينجحو يارب

ولا يحرمنا منو

6 - ابو الريان المرحوم الله يرحمو ويرجعو

ابو ريان حبيبنا انشاء الله برجع بخير وسلامه

افتقدنا مواضيعو حلوه مرح كثير

ردودو حلوه بارك الله فيه ويرجعو بالف خير يارب

7 - باسل الغالي

اي والله غالي علي كثير حبيبنا

باسل بصراحه مواضيعو مميزه

الو مواضيع بكل الاقسام

مشاركاتو حلوه ردودو حلوه كثير

الله يخليه ولا يحرمنا منو

8 - سرمد

بصراحه مابعرفو

ولاصار بيني وبينو مشاركه مشان حدد

بس بكفي انو في هاذى المنتى الغالي الرائع

بارك الله فيه ولا حرمنا منو يارب


ابو ضرار الورد

حبيبنا الي سماك ورد ماكذب ورد فعلا واحلا من الورد

مواضيعك جخه غير شكل مرورك صحيح خفيف كثير

بس بدنا طلتك مابدنا شي ثاني نكسب شوفتك اخي بس

والله بحبك من كل قلبي بارك الله فيك

ولا حرمنا منك يا ورد بل اجمل واحلا م الورد حبيبنا

البنات :
1 - زمردة المتألقة

اول شي انا بشكرها كثير على موضوع كل صراحه

احسن من مليون موضوع ياخي موضوع رائع

ومتعب بنسبه الها الله يعطيها العافيه يارب

مواضيعها بصراحه نصها حلوه وبجنن ومفيده

والنص الثاني عادي كثير

ردودها على المواضيع بصراحه

اغلبها عاديه يعني مرور عادي

ولها ردود حلوه بجنن رائعه بس خفيفه مو كثيره

متفهمه كثير بتعرف شو بدها بس بنهايه يعني موضوع كل صراحه

متعب ياخذ وقت الله يخليها بصراحه هيا أخت عزيزه بارك الرحمن فيها

ولا حرمنا منها

لاتزعلي موضوع كل صراحه

2 - زهرة النرجس

بصراحه زهرة النرجس

بحسها مجروحه كثير

متواضعه متفهمه مابجامل

سيدة المعاني بصراحه

بردودها بترد حسب الموضوع وبتكون قارئتو منيح

بترد حسب الموضوع مواضيعها حلوه كلها رائعه

بارك الله فيكي اختي زهرة النرجس

ونشاء الله مابتشوفي يوم حزن بحياتك


3 - عاشقة الحرية

جريئه واثقه بحالها مابتخاف

ردودها حلوه كثير

مواضيعها حلوه كثير رائعه

بصراحه سيدة الحروف

الله يبارك فيكي اختي عاشقة الحريه

ولا حرمك من المنتدى ولا حرم الاعضاءمنك

4 - الملكة بلقيس

بصراحه مابعرفها منيح انا اول شي جديد

ومصار بينا مشاركات بس بكفي

انها موجوده هاذه المنتدى الرئع الجمل

الله يبارك فيكي اختي ولا حرمنا منك

5 - خزامة

ردودها حلوه مواضيعها حلوه

مابتحب اتزعل اي عضو

بارك الله فيكي اختي الكريمه

الله لايحرم المنتدى منك

6 - صوفي
بصراحه مابعرفها بس بكفي

انها موجوده في هاذه المنتدى

الله يبارك فيكي اختي ولا حرمنا منك



7 - دمعة امل

رغم صغر سنها بس ماشاء الله عليها

مواضيعها حلوه وردودها حلوه طيبوه كثير مابتحب

اتزعل اي عضو الله يبارك فيكي اختي امل

الله لايحرم المنتدى منك

8 -وهمس الروح
متفهمه كثير لو مشاركتها خفيفه

رغم صغر سنها بس ماشاء الله عليها

مواضيعها حلوه وردودها حلوه طيبوه كثير مابتحب

اتزعل اي عضو الله يبارك فيكي اختي همس





ياشباب لاحدا يزعل كلكو اخوتي واخواتي بنهياه

وبحبكو مثل اخوتي كل اعضاء نفس المحبه

وانا اسف يمكن يكون عندي اخطاء املائيه

بسبب الكيبورد عندي في اكم حرف مابكتبو بطر احط احرف بديلا

جزاكم الله كل خير

ابو ضرار الورد انا بتشكرك على مرورك الرائع الجميل

نور الصفه مرورك وزيارتك الي بارك الرحمن فيك

جيتك اخ رياض

بس ما شاء الله عليك فعلا متألق بردودك الصريحة والسريعة

سؤال واحد فقط

حاول ان تحلل الشخصيات بما انك جديد رح نشوف نظرتك بالاعضاء

العم ابو يوسف

الامبراطور سومر

المدير نادر

زهرة النرجس

عاشقة الحرية

زمردة

الاخ باسل

الاخ امجد

الاخ اوس

همس الروح

ابو ضرار الورد

وتحليلك لشخصيتك

انا رح اكتبلك شوي وانت بتصححلي اخطائي

مثقف من تجاربك بالحياة

تحب الصداقة وتؤمن بها

تنجرح كثيرا لكنك تخبئ بقلبك دون ان تنسى

ماضيك كان مؤلم ومتعب وانت لا تنساه

حياتك اليومية بشكل عام عادية ولكن بالجمع تصبح حياتك متعبة وظالمة بعض الشيء

تستطيع التعبير عما يجول حولك ولكن لا تستطيع التعبير عما بداخلك

بس تخلص رأيك بالاعضاء اعطيني رأيك بكلامي بتمنى ما كون قد اخطأت




[ندعوك للتسجيل في المنتدى أو التعريف بنفسك لمعاينة هذه الصورة]

اختي الفاضله عاشقة الحريه

سؤالك عن الاعضاء الي ذاكرتهم

نفس السؤال سأله ابو ضرار وجاوب عليه دموع الورد

شوفي صفحه 4

ارجو ان تسالي سؤال ثاني

لك تحياتي

ودمتم

[ندعوك للتسجيل في المنتدى أو التعريف بنفسك لمعاينة هذه الصورة]

ما الشيئ الذي تخاف منه1-

أول شي اخاف من الله

وثاني شي بخاف من الفشل كثير

وبخاف من المستقبل لايكون مؤلم مثل الماضي

2-هل تصلي؟ اي الحمد لله اصلي بس بصراحه اخي نادر

بشرد كثير وبفكر كثير داخل الصلاه يعني

خايف تكون صلاتي مو صحيحه

3-هل انت اعزب؟ نعم انا اعزب

4-ممكن تعطينا موقف مضحك حصل معك؟

من زمان كنت سهران عند صاحبي

واجو كمان اثنين صرنا اربعه

انا كنت تعبان كثير وقبل لا نروح

خفيت عيني شوي قامو الشباب بدهم يروحو

فتحت شو حكيت قلت وين شباب سهرانين بعدها بكير

قام شو قلي صاحبي الي سهرن عندو قلي لاو والله بدنا انروح

قلت يازلما خليكو شوي وانا ضيف بس انسيت حالي من التعب

والنعس عساس انا المعزب فيهم ههههههه

قالو الشباب روح نام لاتفضحنا وخوذ على ضحك يامعلم

5-وموقف مرعب حصل معك

فترةالاعياد بصير ضغط شغل عنا

المهم اتأخرنا بشغل انا واحد صاحبي كنا مناوابين بالمحل

قلت لصاحبي بدي روح نام شوي قال اي روح وبس ترجع دوري

اروح ارتاح شوي انا نمت منهون هوا شو عمل

راح جاب كيس وضغطو بالهوى وطق الكيس فوق راسي

خلاال ثواني كنت واقف هون ارتعبت شوي

مزحت معو لصاحبي قلتلو يازلما فكرت الجماعه

اجونا بلشو بالقصف هههههه



6-هل تحب الغربة ؟ نعم كثير كثير

7-ما هو شعورك وانت تجاوب بكل صراحة

والله شعور جخه غير شكل بس اذا جوابت بصراحه بتكون ممبسوط

اما اذا جاوبنت بغير الصراحه مابتحس بشي لذيذ

بس اول يوم كنت متلبك شوي بس هسع روعه غير شكل


انا شاكر الك اخي نادر لمرورك الرائع
منور الصفحه وشكرا لمشاركتك معي

وزيارتك الي مشكور اخي لك تحياتي

حاول ان تحلل الشخصيات بما انك جديد رح نشوف نظرتك بالاعضاء

العم ابو يوسف

الامبراطور سومر

المدير نادر

زهرة النرجس

عاشقة الحرية

زمردة

الاخ باسل

الاخ امجد

الاخ اوس

همس الروح

ابو ضرار الورد

اختي عاشقه مشان هي الشخصيات انا مجاوب عليها

مثل ماقال الخال ابو يوسف

فيكي اتشوفي الصفه اربعه موجوده الاجوبه عليها

راح اجاوب على اخر سؤال ماني مجاوب عليه من قبل

وتحليلك لشخصيتك؟


انا راح اكتبلك شوي وانت بتصححلي اخطائي

مثقف من تجاربك بالحياة

تحب الصداقة وتؤمن بها

تنجرح كثيرا لكنك تخبئ بقلبك دون ان تنسى

ماضيك كان مؤلم ومتعب وانت لا تنساه

حياتك اليومية بشكل عام عادية ولكن بالجمع تصبح حياتك متعبة وظالمة بعض الشيء

تستطيع التعبير عما يجول حولك ولكن لا تستطيع التعبير عما بداخلك

بس تخلص رأيك بالاعضاء اعطيني رأيك بكلامي بتمنى ما كون قد اخطأت

ماشاء الله ماشاء الله عليكي

والله بصراحه كأنو انا الي حاكي هيك ولا كلمه خطء

صحيح كلامك فيني جد الف شكر الك الله يجزيكي

الخير راح اضيف كم شغله


مابحب اضر اي شخص ولا بحب زعل حدا

بس نصيبي هيك بدنيا وانا رضيان الحمد لله

اهم شي الصحه والعافيه منشكر الله

الشباب طالبين مني السيره الذاتيه راح اجوب عنها بتفاصيل قدر الامكان
ا
انا شاكر الك اختي عاشقه بارك الله فيكي

مرورك منور الصفحه تحياتي لكي وكل الاحترام

فيكي تسألي الي بدك ياه انا جاهز

ويارت كل الاعضاء يسألو الي بدهم ياه

والطريقه الي بتناسبهم ومارح ازعل من حد
بتشرف بجميع تحياتي

قبل لااجواب لازم اشكرك كل الشكر على ضيافتك الي

مشكوره على القهوه بس انا شوفتكم بتكفيني

وشوفت كل الاعضاء الف شكل الك بارك الله فيكي يا

نجمة هاذه المنتدى اختي بالله زمرده

اسئلا حلوه كثير بارك الله فيكي

يارب تانبلش انحل

ساعدنا لنرسم صوره لك في خيالنا :

- الطول/ 165سم

- الوزن 66كيلو غرام

- لون العيون عسلي

- لون البشره أبيض

- طول الشعر تقربا 7سم
ولون الشعر أسود خروبي


لنتعرف عليك اكثر :

- ماذا تكره-

الكذب بصراحه

الي بكذب علي بكرهو

الي بصدق معي وبكون صريح بعطيه نضر عيوني

ماذا تحب -

بحب الصراحه بحب الحب بحب الطبيعه بحب البحر

بحب الورد بحب الطيور بحب الورد بحب الهدوء بحب المطر

انا من عشاق المطر بحب الاطفال بحب الناس الطيبه كثير



الشيء الذي يشعرك بالخوف؟ بخاف ن انهيار صحتي بيوم من

الايام بخاف من بكره كثير بخاف من المستقبل لايكون مؤلم


بخاف من الموت بخاف من كلشي مو حلو بخاف كثير لااكون يوم

من الايام أسير الحزن والهم


- الشيء الذي يشعرك بالامان؟


الآمل و الآحلام وحب الناس فيني

- موقف اضحكك-

سؤال مجواب عليه من قبل الاخ نادر طويل لهيك ماجاوبت

موقف ابكاك؟

موت اغلا اصدقائي صديق عمري وطفولتي وشبابي الله

يرحمو ويغفر ذنوبو


- شخصيه اثرت في حياتك؟ صديقتي من ايام الطفوله


- عضو جديد تتوقع انه راح يكون له شأن في المنتدى

مابعرف يمكن انا ههه


اذكر ثلاث نكات تعجبك من المنتدى.....؟


بصراحه كلهم حلوين بس مارح اذكرهم طوال بدي صفحه كامه فيهم


لنذهب الى الطبيعه قليلا :

- اي الاشجار تحب?

شجر الرمان لاأنو في لون احمر-

اي الورود تحب؟

ورد الجوري الاحمر

- ماذا تحب اكثر .......الصحراء......الجبال .......البحار........

- ماذا تحب اكثر .......الليل......ام النهار

- ماذا تحب اكثر........الغروب.......ام الشروق........

- المره الاخيره التي رايت بها ....القمر انبارح

- حيوانك المفضل او الذي تحب

.حيوانات مابحب شي وخاصه

الاليفه اما بحب الطيور الحمام العصافير كل الطيور بحب


- هل أنت شاعري اي بحب الشعر وشاعري شوي


أي رومانسي؟ كثير بحب الرومنسيه


- سؤال تريد ان نسالك اياه

اكثر لحضه كنت سعيد فيها في المنتدى

ماذا تحب اكثر شي في النترنت


- ماهو شعورك لو علمت أنك تتعامل بحسن نيه

وفجأه تجد إن كلامك أو تصرفك فُسّر بغيرمعناة ؟


مافكرت باهشي لنو فعلا انا بتعامل بحسن نيه

اما مشان أجاوبك على سؤالك

يعني بصغر بنضر حالي

وبندم وبحاول اصلح غلطي

انما الاعمال بالنيات

وكل واحد حسب نيتو

والله يهدينا



- ما هو العمر الذي تحبه أكثر من غيره ولماذا ؟



العمر الشباب يعني 22او 20 يعني هيك شي

صحتو قويه بداية الحياه بجد تحمل المسؤليه

اصغر منهيك بكون مو ناضج

واكبر منهيك بكون كبر وماعاد صحتو تحملو

او ما عاد يتعمل معانت الحياه يعني هيك شي

- ماذا يعني لك كل من ؟


- الحجاب؟ ادب للبنت اخلاق حشمه تعلق بدين


- الحياء؟ الحياه حلوه بس نفهمها ونعرف نعيشها صح


الأطفال؟


ابرياء احلا شي لاهم ولاخم همهم لعبه وجود ضحكتهم

لعبهم شي رائع الحياه مو حلوه بدون اطفال متل الشمع

دخيل الاطفال انا

- الحب في الله؟

احلا شي بكون حب بدون مصلحه بدون شي حب صادق

يذهب الى الجنه معهم لاانو حب في الله يعني عملهم ينجيهم من عذاب النار

تقبل شفاعة احدهما اي شخص منهم

- هل يوجد انسان معين له معروف عليك ..ولن تنسى صنع معروفه ؟؟



اول شي امي وقفت معي بكل لحضه وبكل شي بسراء والضراء

وخالي وقف معي موقف مابنسى بعمري كلو لو كان بصيط بس

موقف رائع

- أجمل سورة في القرآن الكريم تتلذذ في قرائتها ؟؟

صورة الملك والضحى


بصراحه السي في يعني السيره الذاتية صارت جاهزه

اي علي ماعلي ماعمل شي بتلقو القبض علي

خلال 24ثانيه هههههههههه بكون بين اياديكم ههههههه

معليش سامحوني ياشباب وياصبايا اخوتي انتو معليش

لو بمزح ضمن الاسئله لاحد يزعل لكي تحياتي اختي زمرده

بارك الله فيكي مشكوره لمرورك الجميل والاسئلا الحلوه لكي

كامل الاحترام والتقدير

ابو ضرار الورد كتب:

والله يا ابو الروض انتا بدك اسئلة

ما دخلني


بدي تسولفنا عن قصة حياتك مع السيرة الذاتية و بصراحة


بس مشان ما تعصب بينفع تكون سيرتك مختصرة

أول شي اهلا وميت سهلا فيك اخي ابو ضرار الورد

وثاني شي انا مابعصب من حبيبي او ضرار الورد تكرم راح اكتب السيره الذاتيه


نبداء باايام الطفوله

ايام كانت حلوه كثير وخاصه ايام الدراسه

ايام حلوه رغم انو كان فيها شوي من الصعوبات بس رائعه

وحلوه كثير وعشت احلا ايام عمري ايام الطفوله

واصدقاء المدرسه او الطفوله اتفرقو الي سافر والي بشغلو والي

الله يعينو مو فاضي المهم

بعد هي المرحله صرت اشتغل

وكان شغلي ودوامي 14 ساعه كليوم تقربا الشغل اخذ نص عمري


واجهت كثير حواجز وصعوبات

وفي ايام حلوه كلها امل وحب وضحك وابتسامه بس مو كثيرات

الحمد لله على كل حال الصحه والعافيه اهم شي والقناعه وانا ماني زعلان كلشي من الله يامحلاه

سافرت على الاردن كان عمري 15 سنه ظليت اكم شهر

وبعد منها شي اكم سنه رحت لبنان ظليت سنه ونص فيها طبعا اروح واجي

وارجعت بعدها اشتغل بسوريا لحد مارحت العسكريه

خلصت هي المرحله رجعت اشتغل بسوريا

بعد الجيش اكم شهر سافرت الامارت وهيني هون


اجابياتي هيا

متفهم بفهم الناس بقدر ضروفهم مابحب شوف حدا معبس مابحب

العبوسين بحب عطول الناس تضحك ومبسوطه

حنون متواضع قلبي ابيض ورقيق بحب الناس بحترمهم

مابحب زعل اي شخص قلبي كبير صبور بتحمل كثير اشياء

منيجي على السلبيات شوف شو في سلبيات كثيرررررررر

سريع العصبيه عصبيتي لاتطول اكثر من ربع ساعه

زعلي بطول كثير لما ازعل مابحكي ولا بضحك ولا ابتسم

اخلاقي ضيقه كثير مابتحمل بدي كل شي يصير بسرعه

حساس زياده عن الازوم متسرع في قرارتي

بس هي بشكل مختصر انا اسف اكثر منهيك مافيني وضح يمكن بدخل بي الخصوصيات تقبل اعتذاري


مشكور لمرورك الرائع بارك الله فيك تحياتي الف شكر الك وجودك منور الصفحه

أول شي أنا بشكرك كثير على ضيافتك

وبصراحه شوفتك وشوفة كل الاعضاء

بتكفيني بارك الله فيك وانا شاكر لزيارتك ومروك

الذي نور الصفحه لك تحياتي لك كل احترام والتقدير


1 - ماذا تعني لك الإبتسامة ؟تعني الفرح واسرور الخفيف

2 - ما وقع الإبتسامة على نفسك ؟

3 - متى تظهر الابتسامة على ثغرك /فمك/ من القلب ؟

عند الفرح شعور بشي جميل السعاده

4 - ماهي مبادئ الصداقة الناجحة .. من وجهة نظرك ؟

اهم شي يكون صدق وثاني شي الاحترام عدم بوح الاسرار

الصراحه مايكون في خيانه او غدر او الحكي بضهر

5 - هل غرقت يوماً في بحر التفكير و القلق و الحيرة

إزاء أمرٍ مصيري في حياتك ؟اي نعم

6 - ماهي الاسماء التي لفتت انتباهك في منتدى شباب ام ولد ؟

ولمـــاذا ؟

يعني مافي شي محدد عادي اسماء كلها عاديه

7 - هل مر بحياتك موقف استغربت منه وما لقيت له جواب ؟

لاما في كلشي باهدنيا بنحل الى الموت مالو حل

حتى لو ماقدرنا انحل شي الزمن بحل كلشي

8 - اذكر لنا حادثة طريفة صارت معك ؟

سؤال جاوبت عليه من قبل الاخ نادر

لاأنو طويل مشان ما اطيل الشرح

9 - كيف يكسب الإنسان قلب الجميع ؟.

الاحترام قبل كلشي الصراحه المحبه الاخلاص

10 - ولمن تهدي هذه العبارات :

أ - أحبك .أمي وابي

ب - ليتني ماعرفتك .مافي حد محدد

ج - الأيام بيننا .مافي حدا انا مابحقد على اي شخص

د - شكرا للشدائد ، ظهرتك على حقيقتك

صديق من اصدقائي ماقدر الصداقه

هـ - كلي لك .أمي وأبي

و - أموت وأخدمك . أمي


مدينه مهجوره لا حياة فيها يغمرها السكون

لو عرض عليك العيش فيها هل تقبل ؟؟؟!!

اكيد لاء

12 - ماهو شعورك عندما ترى هذه المناظر :

أ - طفل معاق في كرسي متحرك ؟

اول شي بقول الله يعينو ويحمل معو

بتقطع قلبي عليه والله

وبحس اني مالك الدنيا بطلع على نفسي بقول انا احسن

من كل الناس بصحتي وعافيتي ومو ناقصني شي

وبقول شو المصاري وشو القصور وشو السيارات

قدام صحتي او اجلس على كرسي يارب دخيلك لاتمتحنه يارب

ب - امرأة أعياها الزمن والهرم وتطلب المعونة من الناس في حر شديد ؟

بقول الله يعينها ويحمل معها واذا بقدر ساعدها والله مابقصر

بحس انو انا اغنى انسان اهم شي مابعتاز الناس العازه

لناس صعبه وبقول هي انا في مين شايل هم اكثر مني

وحياتو اصعب من حياتي

وانا من النوع الي بطلع على اصغر مني والي معيشتهم

وحياتهم اصعب من حياتي بحس حالي بي ألف خير من الله

ج - بنت تصرخ في وجه أمها في سوق عام ؟

بدها شخت على البلوعه قليلت ادب شو بدها اتكون

13 - أنت في مزاجٍ نزق, وحالتكَ النفسية متذبذبة, أمامكَ ورقة وقلم

ويجب أن تكتب شيئاً الآن ماذا ستكتب ؟

لاتشكو لناس جرحأ انتا صاحبهو

لايؤلم الجرح الا بمن كان بيه ألمو

14 - (سر الحروف) لديك.. اين يكمن ؟ .. ومن يبعثرها ؟

15 - بصمة طفولتك .. أين تجدها ؟مع اخوتي

16 - متى تبتسم ببرود ؟ ومتى تصفق بحراره ؟

بس مايكون الي نفس بضحك او الابتسامه

اصفق بحراره عند حدث مفاجئ يفرحني

17 - قضية اجتماعية تؤرقك وتشغلك اذكرها لنا ؟

قضيت فلسطين وقضيت العرب وقضية

ايامنا هاي الي عايشينها هلئ

18 - شئ لا يمكن أن تتخيل حياتك من دونه ؟

صحتي اذا راحت انهار عمري وحياتي لاسمح الله

19 - ماذا يعني لك الصمت ؟

الحيره والقلق والتفكير

هل جربت الخيانة في حياتك من اعز شخص لديك

يعطيك العافيه على صراحتك

واجوبتك بكل صراحه

بارك الله فيك

ولي عوده ان شاء الله


[ندعوك للتسجيل في المنتدى أو التعريف بنفسك لمعاينة هذه الصورة]