هل كل فتاة تكلم شب تصبح قليلة أدب؟؟؟

ياحيلا بلغالي مية وردة فيك؟..

تغيب عنا لتتحفنا بروائعك وابداعاتك المنقطعة النظير..

واليوم تضع بين ايدينا هذا الموضوع الرائع والذي يمس حياتنا اليومية...فتقبل رأيي الشخصي.

لو نظرنا الى الموضوع من الناحية الشرعية لرأينا الاتي..

الحب في الاسلام: هو تعليق القلب بشخص معين من خلال اخلاقه و جماله و الماله

واما
نسبة عن الحدود :قال الله تعالى :

( قُلْ لِلْمُؤْمِنِينَ يَغُضُّوا مِنْ

أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ

اللَّهَ خَبِيرٌ بِمَا يَصْنَعُونَ * وَقُلْ لِلْمُؤْمِنَاتِ يَغْضُضْنَ

مِنْ أَبْصَارِهِنَّ وَيَحْفَظْنَ فُرُوجَهُنَّ )...

اما بما أننا نعيش في مجتمع علماني ونحن كلنا افراد تحت ضل لمجتمع الكبير

فعلينا ان نتقيد بعادات وتقاليد هذا المجتمع..

انا كاشاب ارفض هذه العلاقات الفاشلة والتي من النادر ان تنجح احداهما وبلنهاية الفتاة هي الطرف الخاسر.

لكل منا نظرته الخاصة ونظرتي تقول..ان الفناة التي تكلم الشباب على الهاتف او على النت هي فتاة مريضة وتشعر بنقص

في حياتها

هل كل من تكلم شباب يدل على انها عديمة شرف و ليست متربية ؟؟؟؟؟

ليس بلضرورة ربما تكون قد أخطأت او قد تم اللعب بمشاعرها وخداعها وكلنا نعرف ان الفتاة منقادة لمشاعرها


..استغرب كثييييرا من هذه المواضيع اللي تقول ان الفتاة اذا كلمتك فإنها تكلم غيرك (صحيح)

ليس بلضرورة فا الفتاة كما الشب تحس وتحب ولها مشاعر واحاسيس وربما تكون قد احبت شاب وهذا لايعني انها

سوبر ماركت تبيع لفلان وعلان مشاعرها واحاسيسها

فكل صداقة اخوية بين فتاة و شاب قد تكون فقط صداقة سطحية هي تتكلم معه كأخ و تحترمه و هو كذلك ؟؟؟

هذا الكلام مثل الي بيضحك على حالو لانه ما اجتمع اثنان الا وكان الشيطان ثالثهما..ولايجوز لاشرعآ ولا اجتماعيآ مثل

هذه العلاقات
.......................................

هذا رأيي انا وحدي وهو رأيي الشخصي فقط..ولكل منا حرية الرأي..

المبنية تحت مضلة الاخوة او الصداقة..


الله يعطيك الف عافية [ندعوك للتسجيل في المنتدى أو التعريف بنفسك لمعاينة هذه الصورة]

يعطيك العافية اخي الكريم على الطرح الهام

الصداقة بين الشب والبنت بالدين حرام

وبمجتمعنا كمان حرام

ومن وجهة نظري غلط

والبنت الي بتحكي بالتلفون مع شب

على حسب النية اذا كانت نيتها طيبة فهذا غباء

وان كانت نيتها خبيثة فهذه بنت ساقطة

واذا كانت تتكلم مع حبيبها فإذا منعت حالة من هالشي رح تكبر بعينو اكثر

ورح يتعلق فيها اكثر واكثر

وفعلا ما في شي اسمو صداقة بين شب وبنت

فإما ان تتحول الى حب

او انه ما رح يتركها بسمعتها الطيبة

اكيد رح تصير بنظر الناس صغيرة

مشكور اخي على الموضوع المهم

[ندعوك للتسجيل في المنتدى أو التعريف بنفسك لمعاينة هذه الصورة]

هل كل من تكلم شباب يدل على انها عديمة شرف و ليست متربية ؟؟؟؟؟

شباب نعم تكون عديمة شرف وليست مربية

اما شاب يعني حبيبها لاء لاتكون عديمت شرف

لانو الحب اسما مافي الوجود اذا كان حب صادق بدون اخطاء

وبدون غلط ولا اي شي البنت الشريفة باينا والبنت

الفلتانة باينا ومو كل البنات مثل بعض

في بنت بتحب حب صادق وبتحكي بنية صافيه

تكون قليلة ادب واخلاق لا هاد شي غلط

استغرب كثييييرا من هذه المواضيع اللي تقول ان الفتاة اذا كلمتك فإنها تكلم غيرك (صحيح)

لاء البنت التي تكلمني يعني حب صادق

وشريف أكيد راح اكون انا عارفها وعارف

معدنا وأكيد مارح اتكون مكلمة غيري ولا راح اتكلم بعدي

من ناحية ثانيه البنت التي تكلمني اكيد بتكون مكلمة

الف قبلي والف راح اتكلم بعدي هي البنت الي مو كويسة

واكيد هدول البنات بكونن معروفات البت الشريفه

والمؤدبه باينه والبنت الي مو مؤدبة ولا مرباية باينا



و البعض يقولون انه لا يقبل ان يتزوج من فتاة كلمت شباب مباشرة او عبر الانترنيت او....


اذا كلمت شباب أكيد مارح يقبل الزواج منها مليون بالمليون


لكن سؤالي ما المشكل اذا كونت الفتاة صداقات مع شباب لكنننن اريدد ان اقول ليست كل من تكلم الشباب فإنها

اكيد تتكلم عن اشياء غير لائقة (لااااااا....)

مافي شي اسمو صداقة بين الشب والبنت

أكيد هي البنت بتكون غير مؤدبة والخ....

و فكل صداقة اخوية بين فتاة و شاب قد تكون فقط صداقة سطحية هي تتكلم معه كأخ و تحترمه و هو كذلك ؟؟؟

مافي شي اسمو صداقة بين الشب والبنت شو ماكان نوع الصداقة مافي مستحيل


وهل تقبل الزواج من فتاة كلمتك سابقا عبر الهاتف أو الانترنت وأنت تعلم أنها بنت عالم وناس

يمكن اذا عبر الانرنت يكون في شي غامض ومو واضح

بشكل عام اذا بنت عالم وناس وانا واثق منها

كلمتني وحبيتها وحبتني وحكينا مع بعض

وصار بينا علاقة حب أكيد راح اقبل الزواج

والحب أسما مافي الوجود واحلى شي

ليش لحتى ما اقبل شو بنات الناس لعبة



ولكن مانسميه بالحب يعني حبتك وحبيتها وحكت معك
بالهاتف وصار أخد وعطى الخ.....

الحب هوا حب طبعا الحب الاصلي الصادق الشريف

واكون واثق من اخلاق البنت

وانها بنت عالم وناس واعرف كل شي عنها

يبقى الحب هوا حب مهما اختلفت الطرق


وبدي اناقش بشكل عام وواقعي أكثر بعد ما جاوبت على الاسئلة

بنسبة للحب اذا البنت حبت شب

وكانت واثقة منو وهوا واثق منها

وعلى امل الزواج بنية صافيه

ومايكون شي غلط وضمن الاصول

انا اقولهي البت ليست عديمة شرف ولا ينقصها شيئ

لانها من قلب وروح ومشاعر واحاسيس والشب نفس الشي

اما اذا كان حب فاشل والبنت غايتها التسليه

او لااسباب ثانية فهي قليلت ادب واخلاق والخ....

والشب اذا بدو يضحك على البنت تحت مايسما الحب

ويلعب بمشاعرها هاذه كمان قليل ادب واخلاق ودين والخ ..

والشب ليش ليبني علاقات مع البنات تحت الحب ومابعرف شو

واخر شي يقول هي قليلة ادب واخلاق او يقول هي حكت معي

واكيد حكت مع غيري الله معها اقول له الي راح تتزوجها

راح اتكون مكلمة مليون قبلك لانو كما تدين تدان

وليش لشب مسموح وللبنت ممنوع طبعا الحب الصادق بس

وبنسبة للعلاقات الفاشلة انا ضدها لطرفين

والطرفين قليلين ادب ودين واخلاق


وبنهاية اذا اجينا للواقع والحقيقه

الحب والكلام مع البنت ومع الشب

حرام ولا يجوز بس احنا اذا بدنا نتقيد

بدين وبشرع لازم الصلاة والصيام والزكاة ولخ......

واخر شي بيجي بقلك شو الحب حرام ولا يجوز وهظلاك سوى

حالو مش شايفهن

أنا بنسبة لي شخصيا الحب الصادق للبنت والشب ليس


بقليلين ادب وربما يكونو مؤدبين اكثر من الي مابحبو



الحب هو عطر القلب الذي يتطيب به ... هو ذلك المنظار الذي يري

به القلب الصحراء حديقة ... والنار جنة ... والعذاب راحة ... واليأس أمل ... و التشاؤم تفاؤل


وشكرا أخي على الموضوع الهام والنقاش فيه ممتع

ورائع بارك الله فيك اخي ولا حرمنا منك ولك تحياتي

بارك الله فيك أخي الأصيل بالفعل موضوع مهم جدا وخاصة في وقتنا هذا

وأنا برأيي انو بهالوقت البنت لازم ماتأمن لأي شب وتحكي معو

طبعا غير انو غلط ومابصير كمان بهالوقت قلة الضمير والدين يالطيف

هذا بالنسبة للبنت


أما بالنسبة للشب اذا انت بدك تحكي عن البنت هيك انها قليلة أدب وعديمة أخلاق

ليش لتحكي معها بالأصل مو حرام تحكي معها وتخليها تثق فيك وتأمنلك وتسلمك مشاعرها

وبالآخر تحكي عليها هيك وبالنسبة لمجتمعنا الظالم مابوجه أي كلام للشب وشو ماعمل الشب

وقد ماحكا مع بنات ماحدا بحكي علي شي أما البنت بس لو سمعو سمعة يالطيف ماعاد تخلص

من الناس ومن حكيهم

وبالنسبة لهذه العلاقة شرعا هي محرمة نعم بالنسبة للبنت والشب بالنسبة للبنت والشب

مو بس حرمها على البنت وحللها على الشب بس مجتمعنا ماعاد طلع على هالشي بس بهمو الحكي وبس

وبالنهاية اللهم اصلح المسلمين والمسلمات بناتا وشباب آمين يارب العالمين


[ندعوك للتسجيل في المنتدى أو التعريف بنفسك لمعاينة هذه الصورة]

كل بنت بتحكي مع الشباب بتسقط من عيني

لانها رخصت نفسها للي بيسوى وللي ما بيسوى

والتكلم مع الشباب امر محرم في الاسلام

وفي مجتمعنا الذي نعيش فيه الآن

واكثر الشباب الذين يتكلمون مع البنات بكونو واعدينهن بالزواج

ووقت ما بدو يتزوج بدور على بنت بعمرها مو حاكية مع شب

فلا تجعلي نفسك سلعة رخيصة يتداولها الشباب فيما بينهم

فانا ضد كلام البنت مع الشب

حتى لو كانت نيتها طيبة

مشكور اخي على الطرح الرائع

[ندعوك للتسجيل في المنتدى أو التعريف بنفسك لمعاينة هذه الصورة]

موضوع رائع جداجدا ويستحق النقاش يعطيك الف عافية اخي الاصيل


ونحنا سعيدين برجوعك وبطرحك المميز والرائع

طبعا بالاول بدي علق عالاخ رياض فهمت من حكيك انت بدك تحكي عالبنات

وتفش خلقك بس مابعرف من شو خايف يعني حكيك كان متناقض شوي الحب

مو حرام وشوي حرام اما انا بالنسبة الي مافي بنت بتكون نيتها

بالحب طيبة وبتحكي مع الشب بغرض شريف الا وبتروح عليها اما البنت القوية والخبيثة

الي بنعرف كيف تتصرف هي الي بتكون مسموعياتها نضيفة وبتوقع غيرها ليشيل عنها غلطها

ليش مجتمعنا هيك مابشوف الا اخطاء وعيوب البنات والشب انشاء الله شو ماساوه ولا كأنو عامل

شي بس تأكدو ياشباب الي عم يضحكو عالبنات وكل يوم مع ينت وبتظلو معها لحتى تشوهولها

سمعتها انو الله رح ينتقم منكم باخواتكم لاتفكرو انو انتو تسووا الي بدكم ياه ومفكرين انو خواتكم

مستحيل يحكن مع شباب او يعملن علاقات لا واليوم صار الشاطر الي بدو يرافق بنات اكتر مشان

يتباهى قدام صحابو خافو الله ولاتحطو كل الحق عالبنات لانو فعلا البنات قلبهن رقيق وبينضحك عليهن بسرعة

مابعرف انا هاد رأيي وارجو من الشباب الي معنا يفكرو بهالكلام ويفكرو بشوو عملو

[ندعوك للتسجيل في المنتدى أو التعريف بنفسك لمعاينة هذه الصورة]

موضوووع حسااااس جداً

انابرأيي اذا كانت صداااقه عبر الإنترنت عادي مااظن فيها شي

هوا لابيسمع صوتها ولايشووف شكلها


اما صدااقه عبر الجوال مستحيييييييييييل


كلااااااااااااااام موجه للمديييرناا الفاااضل ناااادر<< يعني صداااقتك معي ومع ندى ومع غيرنااا شو بتعتبرهااااا

احنااا مثلاً مو متربياااااااااااااااااااات وقليلات اادب واخلااااااااااااق؟؟؟؟؟؟؟؟

اخي خذها قاعدة ما في علاقة شريفة بين شب وبنت الا بالحلال

وكا واحد حاب يحكي
بالاول يقيسها على حالو وبعدين يقرر

والشيطان ابن كلب بصراحة

والله يجيرنا

نتيجة كلامي

نعم بلا ادب

نعم يا غالي نحن هنا كلنا اخوة واخوات ولسنا صداقة هذا ما اقصده

[ندعوك للتسجيل في المنتدى أو التعريف بنفسك لمعاينة هذه الصورة]

أختي خزامة ممكن اتوضحي أكثر انتقادك غامض وما افهمت شي

ممكن تنسخي من ردي الي مو زابط او ما عجبك او مو صحيح

مشان اعرف اوضح وبكون شاكر الك

لانو انا ناقشت نقاش واقعي وبعيد كل البعد عن التقليد

وحكيت أكثر من حالة ووصف

وانا مابدي احكي على البنات بالعكس انا الوحيد

الي ماحكيت عليهن حكيت بس على البنات الي مو كويسة

وحكيت كمان على الشباب الي مو كويسة والعكس

لانو اكثر الاعضاء نقاشهم كان مجرد

كتابتة لااكثر ولا اقل وغير يلي بداخلهم

وانتي كمان شملتي الشباب وحكيتي عليهم

بس مو كل الشباب مثل ما بتقولي

انا بعرف ناس اتزوجو عن حب وعن عشق

لو هي البنت مو مؤدبه ولا كويسة ماكان اتزوجها

مو شرط كل بنت حبت اتكون مو مؤدبة

بالعكس يمكن اتكون مؤدبة اكثر من الي ماحبت

وشكرا على نقاشك وياريت اتوضحي اكثر

طب شو مشان الأب والأم بلكي ما رضيوا

بصراحة استمتعت بالنقاش الرائع الذي دار بين الاعضاء

اول شي كل انسان بحب ان كان بنت او كان شب كل انسان يملك احساس وشعور تجاه اي شخص


وكثيير بنسمع انو في ناس تجوزت عن حب وعشق حتى لو عن طريق الانترنت

وكثيير في شباب بتحب حب صادق وفي منهم بتسلو على بنات العالم بس طبعا البنت الواعية

والحريصة على سمعته وسمعة اهله بتكون حذرة كل الحذر وما بتسمح لاي شب يتسلى فيه اويضحك

عليه ابدا

لكن سؤالي ما المشكل اذا كونت الفتاة صداقات مع شباب لكنننن اريدد ان اقول ليست كل من تكلم

الشباب فإنها اكيد تتكلم عن اشياء غير لائقة (لااااااا....)

وبالنسبة للبنت ان كانت لائقة او غير لائقة لا يجوز له ان تقيم صداقات او علاقات لأن ديننا الحنيف

وعاداتنا وتقاليدنا لا تسمح ان تقييم اي علاقات صداقة


وهل تقبل الزواج من فتاة كلمتك سابقا عبر الهاتف أو الانترنت وأنت تعلم أنها بنت عالم وناس

كيد رايح اقبل بس طبعا ان كنت عارفه مزبوط مين هي وعارف معدنها

ولكن مانسميه بالحب يعني حبتك وحبيتها وحكت معك بالهاتف وصار أخد وعطى الخ.....

طبعا حب واذا ما سميناه حب شو بدنا نسميه لكان

شكرا لك اخي على الموضوع الرائع ولك خالص تحياتي